Με τίναν θα ταβίζω;

Παρπακωστάβα

Ο Γεργούλης τη Μπαρμπακωστάβας κάθαν Κερεκήν ας σην Θεσσαλονίκην επέγ'νεν ση Νέαν Σάνταν και πάντα εράευεν σα κα­φενεία τον Μάκον τον Μαυρόπουλον τον Πινιατέτεν.

 Ο Γεργούλης έν' Ισχανέτες. Για τ' ατό απιασκούσαν κι άλλο κι έστεκαν. Κάποτε ετάβιζαν τογρία.

Εναν Κερεκήν έρθεν σο χωρίον και έμαθεν ο διάσκαλον Αντροκλής αδιάθετος έν' και ίσα επή'εν σ' οσπίτ'ν ατ'.

Αφού είπαν πολλά, λέει ατον ο διάσκαλον: 

Ο Μάκον ντ’ επέρασαμε την Πέφτ' επέθανεν. Ο Γεργούλης έχτρεψεν τον ομμάτια τ' κι επεκεί εκρέμασεν το κιφάλ'ν ατ' και είπεν με παράπονον:

 Κι αμ' εγώ ατώρα με τίναν θα ταβίζω;