ΟΧΙ ΕΙΠΕΝ Κ' ΕΣΤΑΘΕΝ

Τετάρτη 14 Μαρτίου 2012



Ο Φιλίκον ας σο Τεντελοχώρ' επήεν έναν ημέραν σον παπα-Νικόλαν να ξαγουρεύκεται. Καλά καλά κ' εκάτσεν σο σκαμνίν, και όπως έσαν μακρέα τα χέρα τ’ ,αμάν επέρεν το ρολόι τη ποπά χωρίς εκείνος να εγροικά ‘το.
-  Πάτερ, είπεν, ας δίγω σε το ρολόι ντο έκλεψα.
-        Οχι, αγαπητόν μου τέκνον, είπεν ο παπά-Νικόλας, εγώ αΐκον ρολόι 'κι θέλω. Δέβα δος ατο σ' εκείνον ας είναν επέρες ατο.
Ο Φιλίκον επίσιξεν, άμαν ο ποπά Νικόλας όχι είπεν κ' εστάθεν.
Ασσό έφυεν κ' ύστερα ο Φιλίκον, ο ποπά-Νικόλας εθέλεσεν να τερεί
ντο ώραν έν', άμα το ρολόι επέταξεν (έγκεν φτερά).

ΛΕΞΙΛ Ο ΓΙ Ο
Φιλίκος = Θεόφιλος, Τριαντάφυλλος
να ξαγουρεύκεται = να εξομολογηθεί
 και όπως έσαν μακρέα τα χέρα τ' = και όπως ήταν κλέφτης, 
αμάν = αμέσως
 ας δίγω σε = να σου δώσω
 δέβα δος ατο = πάνε να το δώσεις
ας είναν = από τον οποίο
επίσιξεν = επέμενε
όχι είπεν κ' εστάθεν = δεν θέλησε με κανέναν τρόπο, επέμενε 
ασσό= αφού
να τερεί = να κοιτάξει
 ντο ώραν έν' = τι ώρα είναι
άμα = αλλά                                                                                       




ΔΗΜΗΤΡΙΟΣ Σ. ΝΙΚΟΠΟΛΙΤΙΔΗΣ 




Share

Δεν υπάρχουν σχόλια:

Δημοσίευση σχολίου

 
Copyright © 2015 Santeos
| Design By Herdiansyah Hamzah