O Κάκον τη Σαρπισκενά,όσα επένεν σην εγκλεσίαν, πάντα επένεν κ' έστεκεν εμπροστά σην εικόναν τ' Αγιάννε του Προδρόμου, εποίνεν την ευχήν ατ' και πάντα ελάϊζεν τα χείλα τ' και κάτ' έλεεν.
Ατό εστόχεψεν ατο ο ποπά Χαρίτων κι αγνόν εφάνθεν ατον. Έναν πρωΐ που επήεν ο Κάκον σην εγκλεσίαν, ετέρεσεν ολόερα κανείς 'κ' έν'( ο ποπά Χαρίτων εκρύφτεν σο Ιερόν) κ' εκείνα ντο έλεεν απέσ' ατ', ερχίνεσεν να λέει ατα τσαϊχτά.
Ο ποπά Χαρίτων όντες έκ'σεν το όνομαν πελα(γ)ία, εξέγκεν έναν άγρεν λαλίαν και είπεν:
-Εξ', έξ' αγλήγορα απαδαπέσ', εκείνε 'κ'εν' για τ' εσέν.
Ο καημένον ο Κάκον έρθεν κ' ελώλωσεν. Επήεν ως την πόρταν κ' επεκεί εκλώστεν και είπεν:
-Εσέν καλά εποίκεν κ' έκοψεν το κιφάλι σ' εκείνος ο Ηρώδης.Εσύ πάντα αΐκα δουλείας εποίνες.
ΛΕΞΙΛΟΓΙΟ
Κάκος = Κυριάκος
όσα επένεν = κάθε φορά που πήγαινε (ρ. Πάω, πάγω, πώγω)
εποίνεν την ευχήν ατ' = έκανε την προσευχή του (ρ. ποίω, ποίγω, ποίκω
ελάιζεν = κουνούσε (ρ. λαΐζω)
ατό εστόχεψεν ατο = αυτό το παρατήρησε (ρ. στοχεύω)
αγνόν = παράξενο
ετέρεσεν = κοίταξε (ρ. τερώ, τηρώ)
ντο έλεεν απέσ' ατ' = που έλεγε μέσα του (ρ. λέγω, λέω)
τσαϊχτά = φωναχτά
όντες έκ'σεν = όταν άκουσε (ρ. ακούω, αόρ. έκ'σα)
εξέγκεν = έβγαλε (ρ. εγβάλλω, εβγάλλω, αόρ. έγβαλα, έβγαλα και εξέγκι έξ' = έξω
απαδαπέσ' = από εδώ μέσω
'κ' εν' για τ' εσέν = δεν είναι για σένα
έρθεν κ' ελώλωσεν= έμεινε άφωνος (ρ. έρχομαι, έρχουμαι-λωλώνω) εκλώστεν και είπεν = γύρισε και είπε (ρ. κλώθω)
αΐκα δουλείας = τέτοιες δουλειές
Δεν υπάρχουν σχόλια:
Δημοσίευση σχολίου