Η Ερασμία τη Γουσάνονος εδέκεν τον ανεψόν ατ τον Στυλίκον 100 δραχμάς και είπεν
ατον δέβα σο
τικιάν κι αγόρασον ήνταν σύρ' η ψη σ’.
Ο Στυλίκον εφίλεσεν την καλομάναν ατ ' κ' επέρεν την
στράταν να πάει σο τικιάν. Εστά εστά είπεν ατον η μάνα τ’ η Εμορφίλη.
- Στυλίκο πουλί
μ', ντο λέμε όντες
δίν'νε μας κάτ'!
- Ντο λέμε, μάνα, εγώ 'κ' εξέρω.
- Εγώ ντο λέγω
τον πατέρα σ' όντες
δί' με παράδας;
- Δος με κι άλλα,
ατά ντ' εδέκες με ολίγα είν'.
ΛΕΞΙΛΟΓΙΟ
ανεψός =
εγγονός
δέβα σο τικιάν = πάνε στο παντοπωλείο
ήνταν σύρ' η ψη σ' = ότι τραβάει η ψυχή σου
καλομάνα = γιαγιά, (καλή μάνα)
επέρεν την στράταν = ξεκίνησε
ε σ τ ά = στάσου (ρ. στέκω)
όντες δίν'νε μας κάτ' = όταν
μας δίνουν κάτι
α τ ά = αυτά
ντ' εδέκες με = που μου έδωσες (εδέκες και εδώκες αίρ. του ρ. δίγω)
ΔΗΜΗΤΡΙΟΣ Σ. ΝΙΚΟΠΟΛΙΤΙΔΗΣ
