Ογώ έμαθα τα ρουσικά σην εντέλειαν

Ο Τιαριάς ο Στοφόρον ας σοί Πινιατιάντων εγέρασεν σην ξενιτείαν ση Ρουσίαν, άμα, άμον ντό ετον τσσιολπάης σα χχέρια 'τ, αέτς πα ετον τσσιολπάης και σο μάθεμαν. Δύο ρουσικά 'κ επόρεσεν να μαθάν .Έναν ημέραν για να ερίζν' άτον, ερώτεσαν άτον απέσ σ' αργαστέρ τη Χρύσαντονος.

- Μάστορα Στοφόρε, πολλά χρόνια πας κ' ερχχεσαι ση Ρουσίαν, έμαθες πολλά ρουσικά;

- Ογώ τα ρουσικά έμαθα 'τα σην εντέλειαν.

- Κι αρ αν εν αέτς, ωπώς λέγνε ρουσικά το καμέλ;

- Και ντο δουλείαν έχχ το καμέλ σην Ρουσίαν και θα εμαθάνα και τ' όνεμαν έθε;

- Ατότε πως λέγνε το βελόν; Έρχαλ βελόνια έχνε.
- Αοίκα ψιλίτσικα πράγματα 'κ έμαθα, είπεν ο Τιαριάς και εγέλασεν εκείνος, εγριλεύταν ας σο γέλος κ' οι άλλ.

Δρόμος για τη Σαντά 

Μετάφραση

Ο Τιαριάς ο Χριστόφορος από των Πινιατάντων ,γέρασε στην ξενιτιά(στη  Ρωσία), αλλά όπως ήταν άχρηστος στα χέρια (τεμπέλης) , ήταν και στην γλώσσα(ομιλία). Δυο ρωσικές λέξεις δεν μπόρεσε να μάθει.

Μια μέρα για να τον νευριάζουν τον ρώτησαν στο εργαστήρι του Χρυσάντονος

-Μάστορα Χριστόφορε , πολλά χρόνια πηγαίνεις και έρχεσαι στη Ρωσία, έμαθες πολλά ρωσικά;;

-Εγώ τα Ρωσικά τα έμαθα στην εντέλεια.

- Κι αν είναι έτσι , πως λένε στα Ρωσικά την καμήλα;;

-Και τι δουλειά έχουν οι καμήλες στη Ρωσία , για να μάθω το όνομα τους;

- Τότε πως λένε τη βελόνα;; Πιστεύω πως έχουνε βελόνες.

-Τέτοια μικρά πράγματα δεν έμαθα είπε ο Τιαριάς και γέλασε εκείνος , αλλά  ξεκαρδίστηκαν και οι άλλοι στο γέλιο.