ΠΑΙΔΙΚΑ ΠΟΙΗΜΑΤΑ ΠΑΙΓΝΙΩΔΗ*

Τα παιδιά είχαν πολλά τραγούδια παιγνιώδη *(σ.σ.που έχει το χαρακτήρα του παιχνιδιού, που γίνεται με διάθεση να παίξει κάποιος)   που απάγγελλαν κα­τά τα νυχτέρια( παρακάθια) κοντά στο τζάκι:

1.Ο Γιαννίκας κι ο Πανίκας

Έ, Γιαννίκα και Πανίκα — και Κοσμά και Θεμενίκα,

έμπα κι’ εβγ' ας σο καφούλ — κι άρπαξον το κατοπούλ.

2. Ο Γιαννίκας κ’ η Μαρίκα

Ο Γιαννίκας κι  Μαρίκα — σείτ’ ορίαζαν προόπα,

’κυλίεν το λαλοτσόπον — κ’ έρθεν εύρεν άτς σ’ αντιζόπον.

3. Ο βασιλέας

Έτον είνας βασιλέας — κ’ έτρωεν ψωμίν κ’ ελαίας,

κι οντάν 'κ εύρηκεν ελαίας —έτρωεν τα κοπαλέας.

4. Ο ποπάς κ' η ποπαδία

Ο ποπάς κ’ η ποπαδία — ο Νικήτας κ’ η Μαρία

έφααν ωβόν κ’ εκάαν — ετρουτσάρτσαν κ’ ενεπάαν.

5. Βρέχει

Βρέχει βρέχει βρεχανίζει
 και η γραία τηγανίζει,

και ο γέρον τρουτσαρίζει. 
 Τ’ αγουρόπα τρώγν’ χορτάζνε,

τα κορτσόπα δοκιμάζνε

6. Η Φωτεινή

Ντ’ έμαειρεψες, Φωτεινή — 'μακαρίναν και τυρίν,

ωριάσον κλάντζ  Φωτεινή — ακούγν’ άτ' οι πρωτιανοί.

7. Ο πεντικόν

Έτον είνας πεντικός — και πολλά γραμματικός,

είπεν, κάτα, εμέν μη τρως — δίγωσε γάλαν και τρως.

Τρέχεις, τρέχεις σα πανία —κ' εγνεφίζεις τα  παιδία.

Η κότα ’κ  ετέρεσεν — τον πεντικόν 'κ έκουσεν

χάπ τεΐ  επίασεν — κ’ εκείνον εκούρτεσεν.

8. Αναβάρα

Αναβάρα και Ταβάρα — και ζωή και Ναστασία

το δίφυλλον, το τρίφυλλον — ντο πάει σήν Πολ και κλώσσκεται

 καταρωτά σην θάλασσαν — βοά σην Τραπεζούνταν.

9.'Απα - πούμπα

Άπα πούμπα πουμπαρόζ— κι αποφκά σην τουβαρόζ

έρθεν τή παιδί ο κόλον τσακ’ άτο, καθάρι’ άτο, φάτο.

10.  Δείσα

Δείσα, δείσα, δεισόκολε'— κ’ εφτά ποταμόκολε,

έχ κ' ερτ’  ο πασσιά 'μ ο Τούραλης - με τα ψιλά  με τα χοντρά,

με τ' αιϊδί 'μ  τα κέρατα — Θάρται κατατρυπαίν τον κόλο 'σ 

έπαρ’ τα τσιούλια 'σ κι οφύγον.

11. Τούμπουλ

Τούμπουλ τα ραχία, πάμ’ ογώ κι  Αναστασία

σή πασσιά 'μ την αργατείαν.

12. Τίμι - τίμι

Τίμι - τίμι τον  αητέν — τον αητέν τον σταυρωτόν 

κρούω, παίρω το κοντάρ και φιλώ το καλαμάρ.

 Καλαμάρι 'μ τι θέλεις; — Θέλω κόκκινον ωβόν

να εμπαίνω ση φωλέαν- και φωλιάζω τα πουλόπα

και εβγαίνω σην ελαίαν- κ' εσχωρώ τον βασιλέαν.

Στάθης  Αθανασιάδης (Γεροστάθης)

Εκπαιδευτικός- Λαογράφος