ΕΣΥ ΕΠΕΘΑΝΕΣ ΓΙΟΚΣΑ Ο ΑΔΕΛΦΟΣ;

Τα διδυμάρα τη Κώστη τη Τοροχμάνονος, ο Μούχον και ο Τράντον, πολλά ομοίαζαν τ’ έναν το άλλο. Άμον δύο σταλαγμίτας νερόν.

Κάποτε ο Μούχον έφυεν ας σην ζωήν. Η γραία η Τσορτανάβα, ‘κ’ έλεπεν και καλά, είδεν σην στράταν τ’ άλλ’ το διδυμάρ’ κ’ ερώτεσεν ατο:

-Νέπε , εσύ επέθανες γιόκσα ο αδελφό σ’;

ΛΕΞΙΛΟΓΙΟ

Διδυμάρα: Δίδυμα

Μούχος: Μιχάλης

Τράντος: Τριαντάφυλλος

Νέπε: Καλέ , βρέ

Δημήτριος Σ. Νικοπολιτίδης

Φιλόλογος-Συγγραφέας