ΣΟΝ ΠΑΠΑΣ ΑΝ ΕΠΕΜΕΝΑ , ΕΣΕΝ ΠΑ ‘ΚΙ ΘΑ ΕΙΧΑ

Πόντια γυναίκα
φωτο: Λία Ελευθεριάδου

Η Φωτεινή τη Γουτράτσονος έτον έμορφος, άμα ο δάβολον από καιρόν εσέβεν σο καλάθ'ν ατ’ς.
Έναν ημέραν εφόρεσεν έναν έμορφον και τσιτσακλίν φυστάν’ και τ’ οσπίτ’ εφώταξεν. Είδεν ατεν ο γιος ατ'ς, ο Χαμπίτσον, κ’ εχάσεν τ’ αχούλα τ’.
 Επήεν εγκαλάστεν κ’ εφίλεσεν ατεν κ’ επεκεί είπεν:
-Μάνα, με τ’ ατό το φυστάν' εγένουσ’νε πολλά εμορφέσσα, ο πάπα μ' εποίκε σ’ ατο·
- Πούλι μ’, σον πάπα σ’ αν επεμένα, εσέν πα 'κι θα είχα.

ΛΕΞΙΛΟΓΙΟ

1.Ο δάβολον εσέβεν σο καλάθ'ν ατ'ς = ο διάβολος μπήκε στο καλάθι της 
 (δηλ. τα μυαλά της πήραν αέρα)
2.τσιτσακλίν = λουλουδάτο

 3.εχάσεν τ’ αχούλα τ’ =έχασε τα μυα­λά του (τρελάθηκε από τη χαρά του) 
4.επεκεί= μετά
5. αν επεμένα= αν έμενα.

Δημήτριος Νικοπολιτίδης
Φιλόλογος-Συγγραφέας