Σ'ΕΜΑ ΤΑ ΠΑΡΑΔΑΣ ΕΣΥ ΘΑ ΕΥΤΑΣ ΚΟΥΜΑΝΤΟΝ;;

Ο Ταγανέας τη Χρύσονος(ολίγον ταβακαλωτός) εσέβεν έναν ημέραν σο ζαχαροπλαστείον τη Θέμη τη Αγαθόπουλονος, εστάθεν ολίγον κ' επεκεί είπεν:

-   Θέμη, 'κι θα δις με πέντε δραχμάς ;

-   Ας δίγω σε είπεν ο Θέμης, άμα πέει με ντο θα ευτάς ατα ;

-Θέλω να πάω αγοράζω παγωτόν , γιατί πολλά έσυρεν ατό η ψη μ’.

-   Σκύλ' υιέ, είπεν ατόν ο Θέμης, εγώ παγωτόν πουλώ, ας δίγω σε όσον το θελτς.

Ο Ταγανέας εγροτέρεσεν τον Θέμην κ' επεκεί είπεν ατον:

-   Σ' εμά τα παράδας εσύ θα ευτάς κουμάντον ;

ΚΙΛΚΙΣ

ΛΕΞΙΛΟΓΙΟ

Εσέβεν = μπήκε

'κι θα δις με = δε θα μου δώσεις ;

Ας δίγω σε = να σου δώσω

άμα πέει με ντο θα ευτάς ατα =αλλά πες μου τι θα τα κάνεις ;

πολλά έσυρεν ατο η ψη μ'= πολύ το θέλησε η ψυχή μου

ας δίγω σε = να σου δώσω

εγροτέρεσεν ατον = τον αγριοκοίταξε

 κ' επεκεί = και μετά

ΔΗΜΗΤΡΙΟΣ Σ. ΝΙΚΟΠΟΛΙΤΙΔΗΣ 

Φιλόλογος- Συγγραφέας