Τα δύο πα κι ελέπ'νε καλά

Ο Σίσκον ο Γιωρίκας ετοιμάεν να πάει ψαλαφά  κορίτσ' για τον γιον ατ’ τον Γιαγκούλην.

Επέρεν μετ' εκείνον   και τον γειτονάν ατ', τον Αρίστην τον Γιαχουτήν  κ' εδαρμένεψεν ατον ντο να λέει.

- Όντες θα έρται η σειρά μ’ να καλατσεύω, είπεν άτον, ήνταν λέγω εγώ, εσύ θα διπλάεις ατό, τεμάκ έναν λέγω εγώ, δύο θα λες εσύ.

- Καλά, είπεν ο Αρίστης, θα ευτάγω  όπως λες.

Αρ’ όντες έρθεν η σειρά τη Γιωρίκα, είπεν τοι συμπεθέρτς.

- Ακούστεν ντο προίκαν θα δίγω σον γιο μ' τον Γιαγκούλην.

Θα δίγ' ατον πέντε στρέμματα χωράφα αφκά σην βάλταν και πέντε στρέμματα σα καψούρας.

- Ψέματα λέει, είπεν ο Αρίστης, δέκα στρέμματα θα δί' ατον σην βάλταν και δέκα σα καψούρας.

- Θα δίγ' ατον κ' έναν χτήνον.

- Ψέματα λέει, δύο χτήνα θα δί’ ατον.

- Ατώρα ας λέγω σας και το κουσούρ’ τη παιδά.Τ’ έναν τ’ ομμάτ'ν ατ’ 'κ' ελέπ' καλά.

- Ψέματα λέει, τα δύο πα 'κ' ελέπ'νε καλά.

Πλατεία στην Τραπεζούντα

ΛΕΞΙΛΟΓΙΟ

 Σίσκος = χοντρός

να ψαλαφά = να ζητήσει  (ρ· ψαλαφώ)

 Γιαχουλής= εβραίος

εδαρμένεψεν ατον = τον δασκάλεψε (ρ· δαρμενεύω)

να καλατσεύω= να μιλήσω

 ή ν τ α ν = ό,τι

θα διπλάεις ατα = θα τα διπλασιάσεις (ρ· διπλάζω)

 τ ε μ ά κ = δηλαδή

 ευτάγω = κάνω

αρ’ άντε ς = λοιπόν,όταν

 καψούρα = άγονο

χτήνον= αγελάδα

Δημήτριος Νικοπολιτίδης

Φιλόλογος- Συγγραφέας