ΝΤΟ ΕΙΠΕΣ ΑΦΟΡΙΣΜΕΝΟΝ ΣΚΥΛΟΓΕΝΙΤΟΝ

Αργυρουπολη- Ποντου

Η θυμία τη Κουρουσμάνονος εστάθεν απάν' σο κιφάλ' τη ανεψού ατ'ς  και βίρα λέει ατον:

- Παντζίκο πουλόπο μ', φα όλεν το φαΐ σ'. Ξάι μ' αφήντς σο σαχάν'.

- Καλομάνα, γιατί πισίεις ατόσον πολλά να τρώγω όλεν το φαϊν; Η κοιλία μ' άλλο 'κι παίρ', θα σπάνω.

- Κια ντο να λέγω σε ρίζα μ'. Αν 'κι τρως όλεν το φαΐν, όντες  τρανύντς  και γυναικίεις, θα παίρτς άσκεμεσσαν γαρήν.

Καλά, καλομάνα, είπεν ο Παντζούλης, ο πάππο μ' όντες έτονε μικρός κ' έτρωεν όλεν το φαϊν ατ';

- Ντο είπες, αφορισμένον σκυλοκούταβον;

ΛΕΞΙΛΟΓΙΟ

ανεψός  : εδώ εγγονός

β ί ρ α : συνέχεια

Παντζίκο και Παντζούλη : χαϊδευτικό (υποκοριστικό) του Παναγιώτης

 ξ ά ι : καθόλου

σαχάν': πιάτο φαγητού χάλκινο

καλομάνα : γιαγιά (καλή μάνα)

 πισίεις: επιμένεις (ρ·  πισίζω)

 θα σπάν': θα σκάσει (ρ· σπάνω)

γυναικίεις: παντρευτείς (πάρεις γυναίκα- ρ· γυναικίζω για άντρα και

αντρίζω για γυναίκα)

σκυλοκούταβον: κουτάβι σκυλιού (και σκυλί' κουτάβ')

ΔΗΜΗΤΡΙΟΣ Σ. ΝΙΚΟΠΟΛΙΤΙΔΗΣ

Φιλολογος-Συγγραφεας