Ο Ποπά Γιώρτς

Ο Ποπά Γιώρτς , γέρος και ρακοπότης όπως έτον, σίτα εδέβαζεν το τρίτον ευαγγέλιον σην Λαμπρήν κέσ' , έξαψεν η γλώσσα τ'. Εξέγκεν ας σο μανίκ' ν άτ' κρυφά το πουκάλ' να πίν οπίσ' ας σο ευαγγέλιον, να μη ελέπ' ν ατον οι χωρέτ'.
Γέρος όπως έτονε και τα χέρα τ' πα ετρόμαζαν , ερούξεν κα το πουκάλ.
Καιρόν 'κ εχασεν κι αμάν ετέρεσεν σον μυστικόν Δείπνον κέσ' και είπεν :
-Σκυλ' και γαϊδάρ παιδία, 'κι κανείται ντο τρώτε και πίνετε, θα τσακώνεται και τα κιφάλα μουν.
Οι χωρέτ ' επέραν ατο και έτρεξαν. Θάμαν εγέντον σην εγκλεσίαν εμουν..

ΛΕΞΙΛΟΓΙΟ

σίτα= ενώ, καθώς
έξαψεν= άναψε
εξέγκεν= έβγαλε
ερούξεν= έπεσε
κα= κάτω