Ο ΔΑΒΟΛΟΝ ΑΜΑΝ ΕΣΕΒΕΝ ΣΟ ΚΑΛΑΘΙ Σ'

- Ο θε(γ)όν έστειλε σε, είπεν η χέρα η Πανικίνα τον Γιωρίκαν τον Κιάλογλην ας σην Στρέζοβαν. Έλα βοήθα με ας βάλουμε αβούτα τα πάλας σ' άχερών, γιατί όπου έν' θα βρέχ' κ' εγώ κανάν 'κ' εύρα να βοηθά με.
- Ας βοηθώ σε, είπεν ο Γιωρίκας, το χατίρι σ' 'κι θα χαλάνω, άμα ενούντσες ξάι ντο θα λένε οι χωρέτ' αν ελέπ'νε μας εντάμαν απέσ' σ'  αχερών' ;
Η Πανικίνα έστραψεν κ' εβρόντεσεν. - Χάθ' αγλήγορα απαδακέσ', ανέντροπε και τ' εγένουσ'νε, είπεν ατον, ο δάβολον αμάν εσέβεν σο καλάθι σ'.

ΛΕΞΙΛΟΓΙΟ

χ έ ρ α = χήρα
Στρέζοβα = παλιά ονομασία του χ. Αργυρούπολη Κιλκίς
αβούτα τα πάλας = αυτές τις μπάλες (από άχυρο)
αχερών = αχυρώνα
ά μ α = αλλά
ενούντσες = σκέφτηκες (ρ. νουνίζω)
ξ ά ι = καθόλου
ντο θα λένε οι χωρέτ' = τι θα πούνε οι συγχωριανοί
αν ελέπ'νε μας = αν μας δούνε (ρ. ελέπω)
α π έ σ' = μέσα
χ ά θ' = χάσου (προστακτ. του ρ. χάμαι)
απαδακέσ' = από εδώ
α μ ά ν = αμέσως
εσέβεν = μπήκε (αόρ. του ρ. εμπαίνω)
αμάν εσέβεν σο καλάθι σ' = αμέσως μπήκε στο καλάθι σου( ο νους σου πήγε στο πονηρό)

Δημήτριος Σ. Νικοπολιτίδης