ΝΤΟ ΕΙΠΕΣ ΑΦΟΡΙΣΜΕΝΟΝ ΣΚΥΛΟΓΕΝΗΤΟΝ ;

Η Θυμία η Κουρουσμάνονος εστάθεν απάν' σο κιφάλ' τη ανεψού ατ'ς και βίρα λέει ατον:
-Παντζίκο πουλόπο μ' φά όλεν το φαΐ σ'. Ξαϊ μ' αφήντς σο σαχάν'.
Καλομάνα γιατί πισίεις ατόσον πολλά να τρώγω όλεν το φαΐν; η κοιλία 'μ άλλο 'κι παίρ' , θα σπάνω.
-Και ντο να λέγω σε, ρίζα μ'. Αν 'κι τρώς όλεν το φαΐν, όντες θα τρανύντς και γυναικίεις , θα παίρτς άσκεμέσσαν γαρήν.
Καλά καλομάνα, είπεν ο παντζούλης, ο πάππο 'μ όντες έτονε μικρός κ' έτρωεν όλεν το φαΐν 'ατ;
-Ντο είπες, αφορισμένον σκυλοκούταβον!!



ΛΕΞΙΛΟΓΙΟ

Ανεψός= εδώ εγγονός
Βίρα= συνέχεια
Παντζικο και Παντζούλη= χαϊδευτικό (υποκοριστικό) του Παναγιώτης
ξ ά ι = καθόλου
σαχάν' = πιάτο φαγητού χάλκινο
καλομάνα = γιαγιά (καλή μάνα)
πισίεις = επιμένεις (ρ -ππισίζω)
θα σπάν= θα σκάσει (ρ. σπάνω)
γυναικίεις = παντρευτείς(πάρεις γυναίκα- ρ · γυναικίζω για άντρα και αντρίζω για γυναίκα)
σκυλοκούταβον = κουτάβι σκυλιού (και σκυλί' κουτάβ')

ΔΗΜΗΤΡΙΟΣ ΝΙΚΟΠΟΛΙΤΙΔΗΣ

Φιλόλογος-Συγγραφέας