ΚΙ ΑΝ ΄ΚΙ ΑΠΟΘΑΝΤΣ;;;

Ο Χάμπον τη Παρέσας ερούξεν σα κρεβάτα κ' ευτάει ψεματικά τον άρρωστον.. Τσαΐζ , βαρκίζ' και λέει: 'κι είμαι καλά, θ' αποθάνω.
Εκ'σεν ατον η γαρή ατ' η θυμία κ' ερωτά τον:
- Ντο έεις, Χάμπο;
- Θυμία, 'κι είμαι ξάι καλά, θ' αποθάνω και θ' απομέντς χέρα.
- Καλά ντο έπαθες, σίτα έστεκες; Εσύ απράναν ετραγώδ'νες.
- Ετραγώδ'να ας σο ζόρι μ'. Θ'αποθάνω, Θυμία, θ' αποθάνω. Και πριν αποθάνω, θέλω να λες με αν επήες με άλλον άγουρον.
Η Θυμία σην αρχήν άμον ελώλωσεν κ' επεκεί είπεν:
- Κι αν 'κι αποθάντς ντο χαπάρα ατότε;

ΛΕΞΙΛΟΓΙΟ

Χάμπος = Χαράλαμπος
ερούξεν = έπεσε
ευτάει = κάνει
τσαΐζ' = φωνάζει
βαρκίζ' = βγάζει σπαρακτικές φωνές
έκ'σεν ατον = τον άκουσε
σουμά τ' = κοντά του
ντο έεις = τι έχεις
ξάι = καθόλου
χ έ ρ α = χήρα
σίτα έστεκες = εκεί που έστεκες, στα καλά καθούμενα
απράναν = προηγουμένως
με άλλον άγουρον = με άλλον άντρα
άμον ελώλωσεν = σαν να βουβάθηκε

Δημήτριος Σ. Νικοπολιτίδης

Φιλόλογος-Εκπαιδευτικός