Ο Πιστόφς και η Πιστοφίνα

Η Πιστοφίνα η μακαρίτισσα, η κυρά Αλεξάνδρα, έτον ολίγον πειραχτέρ. Επείραζεν πολλά φοράς τον κόσμον, άμα τον Πιστόφ πα, οπίσ κ' εφείνεν. 

Ετούρτεβεν ατόν, ότι εν κοντός, άμα ο Πιστόφς σο ποϊ νατ ραζίς (ικανοποιημένος) έτον και κεθέλνεν να α­κούει τίποτα για το ποϊ νατ, που έτον απαδά κι απάν.

Έναν ημέραν ξαν επείραξεν τον Πιστόφ και είπεν ατόν κουλτιρίτσιο (κοντό).

Φαίνεται εκακοφάνθεν τον Πιστόφ και είπεν ατεν.

Ντο λες νέπσα, εγώ είμαι κοντός;

Ο ξάδελφος ο Κοσμάς (τη Παγιάν) όνταν τερίμεν από κάθε κι αν, το καπέλον' άτ ρουζ οπίσατ.

(το περιστατικό μου το διηγήθηκε ο υιός του ο Μωυσής)

Ρηνα Κασμεριδου - Μελετιαδου

Πηγη:ΤΑ ΝΕΑ ΤΩΝ ΑΜΑΡΑΝΤΙΩΤΩΝ