O Γιάννες ο Tαντάγιαννες κι ο μοναχέν ο Γιάννες όντες έτον πενήντα χρονώς είπεν:
Εγώ γιατί να δουλεύω άλλο; Το πολλά πολλά να ζω άλλα είκοσ' χρόνια. Τα παράδας ντο έχω κανείνταν εμέ ως ατότε.
Τα είκοσ' χρόνια έρθαν κ' εδέβαν, και ο ανούνιγον ο Γιάννες στέκ' καλά σην ύαν ατ', άμα άλλο 'κ' επορεί να δουλεύ’ και τα παράδας ετελέθανε.
Ετέρεσεν αλλέως 'κι 'ίνεται, εποίκεν τον γυρευόν. Επένεν σα σκάλας τ' εκκλεσίας κ' έλεεν μαραγγουλασμένα:
Ελεήστεν κ' εμέν τον φουκαράν που 'κ' εποίκα την λογαρίαν καλά.
ΛΕΞΙΛΟΓΙΟ
κανείνταν εμε = μου επαρκούν (ρ. ικανώ, μέσ. κανείμαι)
ντο έχω = που έχω
έρθαν κ' εδέβαν = ήρθαν και πέρασαν (ρ. έρχομαι-δαβαίνω)
ανούνιγος = αυτός που όεν σκέφτεται καλά
ά μ α = αλλά
κ' επορεί = δεν μπορεί
ετέρεσεν = κοίταξε
εποίκεν = έκανε (ρ. ποίκω)
γυρευός= ζητιάνος
μαραγγουλασμένα = λυπημένα
λογαρία = λογαριασμός
Δημητριος Νικοπολιτιδης
