Ανοίξτεν τα τεφτέρια
Γράψτεν την ιστορία μουν
Με καθαρά τα σέρια
Γράψτια το να λελέβω σας
Πολλά παρακαλώ σας
Και αν και ξέρετά το καλά
Εγώ θα βοηθώ σας_
Ατόσα χρόνια επέρασαν
Τηδέν πουθέν κε γράφτεν
Και εκείνο η επανάσταση
Αλίγορα εθάφτεν
Για τα παλικαρόπα μουν
Ντο έξισαν το αίμαν
Ατό πολλοί εξέρνατο
Χος κέν ατόπα ψέμα
Ο πόντο επέρεν άψιμον
Εκάεν άμον λαμπάδα
Ανθρώπνε μουν εχάθανε
Μόνον για την ΕΛΛΑΔΑ
Εφτάμε έγκλημαν τρανό
Ατίνς ξάϊντό κιανκέβομε
Και σα σχολία μουν απές
Τη νέϊς ντό κι δασκεύομε
Νικολαϊδης Βασίλης
