Εξέβεν η διαταγή

Σόν πόντο εξέβεν διαταγήν
Τα σπίτια να φκερόνε
Και οι τρανοί από μακρά
Τερούν και καμαρόνε

Ερχίνεσαν χατέβνε μας
Και σύρνε μας σα δρόμεα
Ατά έσαν τεμέτερα
Πολλά χιλιάδες χρόνια

Επέμναμ όλοι σο γιαζί
Και από μακρά τερούμε
 Φοούμες να σηντσόνουμε
 Και κάτ να ψαλαφούμε

Ερχίνεσεν ο γολγοθάς
Και γράφ η ιστορία
Τα μέρη ντό εφέκαμε
Και λεπομε καμία

Εξόριστοι έ ένουμνες
Εχάθεν η πατρίδα
Και σην Ελλάδα έρθαμε
Με έναν μικρόν ελπίδα

Πατρίδαμ όλ εχάθαμε
 Άλλο κι θα ανταμούμες
Χώρια εσύ χώρια εμείς
Για πάντα θα κοιμούμες


Βασίλης Νικολαΐδης