Αινίγματα Σαντάς

1. Αδακά κοιλοπονά κι ακεί πέρα πάει γεννά= το πυροβόλο όπλο

Ισχανάντων Σαντάς

2. Άσπρεσα κοσσού (κλώσσα) σην ηγήν φωλέζ = σκόρδο

3. Απαδά ρασίν (βουνό) κι απακεί ρασίν και σην μέσεν αποθαμένον αναστέν = ζυμάρι

4. Αποβραδής άνοιξον κι από πουρνόν τύλιξον = στρώμα

 5. Αφκά σο τανατόφυλλον η κορ κοιμάται = αγγούρι

6. Απαδακεί σο ρασίν την δεξαμέντσαμ εγνωρίζω = άψιμον (φωτιά)

7. Ανοίγ' άτα, ελέπω, ασπαλίζατα, ελέπω =παράθυρα

8. Ακεί πέραν σο ρασίν στεκ καντήλα και λαλεί και λαλεί κι αντιλαλεί. Πέμε καντήλα ντο έεις και λαλείς κι αντιλαλείς;

- ’ Εχω πόνον σο τζιτζίν (βυζί) και λαλώ κι αντιλαλώ = κουδούνι

9. Έναν εν και σ' όλαι εμπαίν = όνομα

 

Χαμελέτε σον Γιάμπολην ποταμόν

10. Έναν εν, τον κόσμον τρώει και κι χορτάζ (δεν χορταίνει) = ο μύλος

11. Είναι πέντε αδελφόπα και σ’ έναν παΐρ κιαν φράζνε = Βελόνες της κάλτσας

12. Κοντός κοντός καλόερος τα σίδερα ζωμένος = βαρέλι

13. Κατακέφαλον τρυπίν το βασιλέαν κι φοάται (φοβάται) = κώλος

14. Ναϊλί εμέν τον μικρόν π’ εκρεμάγα σον κρεμόν, το αίμαμ εν πικρόν, και το κρέας ιμ γλυκόν = ελιά

15. Ο πάππομ ασπρογεννάτες κατακέφαλα θαμένος=κρεμμύδι ή σκόρδο

16. Εγώ πάω κι ατό πάει και πάντα εμπροστάμ πάει = σκιά

17. Ουρανόν κι γη με τ' άστρα, το σαντάλ με τα μετάξαι = επιτάφιος.

18. Ποιος εν ο γέρον με τα δώδεκα παιδία; = έτος

19. Σα δύο ραβδία ανάμεσα πουλίν πετά =τρένο

20. Σα δύο ρασία ανάμεσα βαρκίζ έναν προόπον = πορδή

21.Τρώει χορτάραι σεζ σαχτάραι = τσιγάρο

ΕΥΣΤΑΘΙΟΣ ΑΘΑΝΑΣΙΑΔΗΣ

Εκπαιδευτικός- Λαογράφος Σαντάς

Αρχείο Πόντου 1, 1928, 210-212