Ας έξερα ποίον ρασίν
επέμνεν χιονισμένον
επένα και εκάθουμνε
και έκλεγα την κάρδεμ το καμμένον
επέμνεν χιονισμένον
επένα και εκάθουμνε
και έκλεγα την κάρδεμ το καμμένον
-----
Πόσα καρδίας έκαψες
και πόσα αναστενάζνε
τα γόλια τ' ομματόπα σου
άστρα πα κατεβάζνε
και πόσα αναστενάζνε
τα γόλια τ' ομματόπα σου
άστρα πα κατεβάζνε
-----
Εντρέπομαι να λέγωσε
κορτσόπομ' αγαπώσε
πασκίμ πα κι εγροικάσ'ατό
όντες πυκνοτερώσε
κορτσόπομ' αγαπώσε
πασκίμ πα κι εγροικάσ'ατό
όντες πυκνοτερώσε
-----
Τα φιλέματα τεσά
αμόν τα μέλε είν γλυκά
που φιλίσε σα κρυφά
νοστιμάδα εγρικά
αμόν τα μέλε είν γλυκά
που φιλίσε σα κρυφά
νοστιμάδα εγρικά
-----
Όντες τερρείς με πούλοπομ
τα χείλεμ μέλε στάζνε
τα φιλοκάρδεμ σίγουνταν
βαρέα αναστενάζνε
τα χείλεμ μέλε στάζνε
τα φιλοκάρδεμ σίγουνταν
βαρέα αναστενάζνε
-----
Εγω τερρώ σον πρόσωπος
και εσύ τερρείς σο χώμαν
ας έιχα και ν’ εφίλνα σε
μίαν απές σο στόμα
και εσύ τερρείς σο χώμαν
ας έιχα και ν’ εφίλνα σε
μίαν απές σο στόμα
-----
Α ‘σα χείλια σ’ κρεμάγουμαι
όντες ανοίς το στόμα σ’
να έπλανε ‘με ο Χριστόν
έναν βραδύν ‘σ’ όρομα σ’.
όντες ανοίς το στόμα σ’
να έπλανε ‘με ο Χριστόν
έναν βραδύν ‘σ’ όρομα σ’.
Α ‘σον ήλεν που καίγουνταν
τερούν που εν εβόρα
εγώ καίγουμαι απ’ εσέν
εσύ τερείς τη χώραν.
τερούν που εν εβόρα
εγώ καίγουμαι απ’ εσέν
εσύ τερείς τη χώραν.
-----
Αβούτα τα νεότητα
πάγνε κι άλλο κι κλώσκουν
άμον εκείνο το χορτάρ’
τα πρόγατα ντο βόσκουν.
πάγνε κι άλλο κι κλώσκουν
άμον εκείνο το χορτάρ’
τα πρόγατα ντο βόσκουν.
-----
Αβούτο ο κόσμον ψεύτικον
αλήγορα τελείται
πολλά να ζεις πεζεύκεται
ολίγον κι κανείται.
αλήγορα τελείται
πολλά να ζεις πεζεύκεται
ολίγον κι κανείται.
-----
Αβούτο ο κόσμον ψεύτικον
θάνατος να μη έτον
άνθωπον να μη εγέρανεν
πάντα νέος να έτον.
θάνατος να μη έτον
άνθωπον να μη εγέρανεν
πάντα νέος να έτον.
-----
Αίκον εν’ τ’ ιδίωμα μ’
αίκον έν η ζήση μ’
ντ’εποίκα ‘σε τσούνας κουτάβ’
κ’ ερούξες απ’ οπίς ιμ.
αίκον έν η ζήση μ’
ντ’εποίκα ‘σε τσούνας κουτάβ’
κ’ ερούξες απ’ οπίς ιμ.
-----
Αν αποθάνω γιαβρόπο μ’
ωριάσον ανασπάλτς με
η χώρα θάφτ’νε με σην γην
εσύ σην ψη σ’ να βάλτς με.
ωριάσον ανασπάλτς με
η χώρα θάφτ’νε με σην γην
εσύ σην ψη σ’ να βάλτς με.
-----
Άν αποθάνω εσύ μη κλαίς
και μη μοιρολογάς με
ζωντανόν μόνον τσούξον με
και μη κακολογάς με.
και μη μοιρολογάς με
ζωντανόν μόνον τσούξον με
και μη κακολογάς με.
-----
Αν αποθάνω ξαϊ μη κλαίς
και μη τρώς την καρδία σ’
κλάψον μ’ ατώρα ζωντανόν
και φτούλτσον τα μαλλία σ’.
και μη τρώς την καρδία σ’
κλάψον μ’ ατώρα ζωντανόν
και φτούλτσον τα μαλλία σ’.
-----
Αν αποθάνω πουλόπο μ’
τ’εμόν τ όνεμαν κούξον
αν αγαπάς με αληθινά
απές σο ταφί μ' ρούξον.
τ’εμόν τ όνεμαν κούξον
αν αγαπάς με αληθινά
απές σο ταφί μ' ρούξον.
-----
Αν θέλετε ας τραγωδώ
αν θέλετε ας κλαίγω
αν θέλετε παράπονα
ας κάθουμαι και λέγω.
αν θέλετε ας κλαίγω
αν θέλετε παράπονα
ας κάθουμαι και λέγω.
-----
Απ' αδά ους τ' εσέτερα
πορτόπα πέντε δέκα
την ώρα μ' και τ' εγκόλπιο μ'
σ' εσέτερα εφέκα.
πορτόπα πέντε δέκα
την ώρα μ' και τ' εγκόλπιο μ'
σ' εσέτερα εφέκα.
-----
Βαρύν λόγον μη λέτ' ατο
τ’εμόν τ' αρνίν αρλίν εν
θα κλαίει και θα κλαινίζ' κι εμέν
το ψόπο μ' γεραλίν εν'.
τ’εμόν τ' αρνίν αρλίν εν
θα κλαίει και θα κλαινίζ' κι εμέν
το ψόπο μ' γεραλίν εν'.
-----
Γράμμαν γράφτω και στείλω ‘σε
απόψ’ κι θα κοιμούμαι
και με τήναν θα στείλ’ ατό
δεβάσκεται φογούμαι.
απόψ’ κι θα κοιμούμαι
και με τήναν θα στείλ’ ατό
δεβάσκεται φογούμαι.
Δάκρυα, αποκάμια και σαχτάρ’
κι έναν μαύρον καρδίαν
άλλο τηδέν κ’ επέμνε ‘με
α σ’ εγάπς τη φωτίαν.
κι έναν μαύρον καρδίαν
άλλο τηδέν κ’ επέμνε ‘με
α σ’ εγάπς τη φωτίαν.
-----
Ε, ν’ αϊλλοί εμέν ν’ αϊλλοί
σο κιφάλι μ’ κατ’ λαλεί
έμορφον ποι’ θα φιλεί
πάντα θα παρακαλεί
άσκεμον ποι’ θα φιλεί
τη μανίτσαν ατ’ ν’ άλλοι.
σο κιφάλι μ’ κατ’ λαλεί
έμορφον ποι’ θα φιλεί
πάντα θα παρακαλεί
άσκεμον ποι’ θα φιλεί
τη μανίτσαν ατ’ ν’ άλλοι.
-----
Εγάπη σ’ κοφτερόν μαχαίρ’
και σίδερον ξαμμένον
ν’ αηλί εκείνον την καρδίαν
όθεν εν καρφωμένον.
και σίδερον ξαμμένον
ν’ αηλί εκείνον την καρδίαν
όθεν εν καρφωμένον.
Πηγη: Aetorachi.gr
Δεν υπάρχουν σχόλια:
Δημοσίευση σχολίου