Αγούρ εγένναναν

H Θεοδοσίνα και η Λιανίνα την Κερεκήν ντο έρται πριν ας σα Χριστί­ανα επήαν και οι δύος σην εκκλησίαν. Εκείνο την ημέραν ο ποπάς εδέβασεν το Βαγγέλεν ντο λέει: Αβραάμ εγέννησε τον Ισαάκ, Ισαάκ εγένησε τον Ιακώβ. 

Άγιος Χριστόφορος Πιστοφάντων

Οντάν ετελείωσεν ο ποπάς η Λιανίνα εκούντεσεν με την αγκώναν άτς την Θεοδοσίναν, εκλίστεν κά και επουστίρτσεν άτεν: Π' έχτσε  κουμπάρτσα, ελέψ ντο δουλείαν εποίκε μας ο Χριστόν; Ως τ’ εκεινού τον καιρόν αγούρ εποίναν τα χάταλα, και ας εκείνον κ’ υστέρ εκρέμψεν την  πελιάν σ' εμέτερον το κιφάλ, κι αγούρ πα λάσκουν και τρων’ και πίνε, κ’ εμείς πα σύρομε και σύρκουμες.

-Αμώ σε λάλα, λέει άτεν η Θεοδοσίνα. Αοίκον πράγμα ίνεται; Κόφλια πιλιά 'κ' έχνε να βυζαλίζνε τα χάταλα.

-Ντο  λέω σε άξον, λέει η Λιανίνα. Κόφλια πα είχαν, μη τερείς, ντο εβζήαν απιστερνά 'κ' ελέψ, ο τόπος άτουν  ακομάν στέκ. . .

ΛΕΞΙΛΟΓΙΟ

1. εκούντεσεν=έσπρωξε

2. εκλίστεν κα= έσκυψε

3. επουστίρτσεν άτεν= την ψιθύρισε

4. ελέψ' = βλέπεις

5. αγούρ= άντρες

6. εποίναν= έκαναν

7.  τα χάταλα= τα παιδιά

8. εκρέμψεν= έριξε

9. την πελιάν= το βάσανο

10. λάσκουν, λάσκουνταν= γυρίζουν

11. Κόφλια= τα βυζιά

12. πιλιά(τουρκική λέξη)= ακόμη

13.  εβζήαν= έσβησαν, ατρόφησαν

14. απιστερνά= μετά

15. ελέψ= βλέπεις