Αφκά σο Κοπροκάλαθον έν'.

Σα μαύρα χρόνα τη κατοχής οι Γερμανοί επήγαν σην Σέσλοβαν να πιάνε τον Γιωρίκαν τη Σισμάν'. 'Οντες είδεν ατ'ς ο Γιωρίκας έτρεξεν κ' εκρύφτεν αφκά σο κοπροκάλαθον, που έτονε σην φραχτήν καικά.
Οι Γερμανοί εράεψαν ατον σ' όλα τ' εκέσ'. Να αχερώνα εφέκαν και να μαντρία. Σο καραβάτ' αφκά πιλά επήγαν ετέρεσαν.
Τελευταία επήγαν σην πόναν· Όντες είδαν τη φωλέα γομάτον ωβά, επαλαλώθαν. Οι αφορισμέν' όλα εμάζεψαν κ' επέραν. Το τσίλχον πα, που έτον φωλέα, εκείνο πα επέραν.'Αγια άγια έλεγαν και τ' ωτία τουν πα εγέλαναν.
'Οντες εχπάσταν να φέγ'νε, έτρεξεν αποπίσ' ατουν ο Στυλίκον, ο μικρόν ο γιον τη Γιωρίκα και είπεν σ' έναν Γερμανόν:
— θείο,τον πάπα μ' αραεύετε; Αφκά σο κοπροκάλαθον εν'.

ΛΕΞΙΛΟΓΙΟ 

Σέσλοβα = Σεβαστό Κιλκίς 
π ι λά = ακόμη
α φ κ ά = κάτω
πόνα = κοτέτσι
κοπροκάλαθον = καλάθι για μεταφορά κοπριάς
ω β ά = αβγά
επαλαλώθαν = τρελάθηκαν
 σην φραχτήν καικά = κοντά στο φράχτη
τσ ίλχο ν = κλούβιο
έ τ ο ν = ήτανε
εράεψαν ατον = τον έψαξαν
άγια = αβγά στη γερμανική
σ' ολα τ' εκέσ' = παντού
εχπάσταν να φέγ'νε = ξεκίνησαν να  φύγουν
να...να = ούτε...ούτε
καραβάτ' = κρεβάτι
αραεύετε = ψάχνετε