Τ' εμέτερον πα αφκά 'κι απομέν...

Ισχανάντων

Ο Γερονόσογλης  ο Παναέτες ας σοί Πινιατιάντων επεΐ λειφτός έτον ας σ' άχούλ. Ο  Γιαταγαντζής ο Στοφόρον αν έτρεξεν, κάτ έτρεξεν, εγαντούρεψεν είναν ας σ' Ισχανάντων να παίρ' άτον, άμα  εκείνε πα ας σ' εκείνον  καλλίον 'κ ετον.

Οντάν εχπάσταν σο νυφέπαρμαν, ο Στοφόρον  εκαβαλκίασεν τον Παναέτεν σ' άλογον και είπεν άτον:

 «Παναέτα, σκουλαρήκ ποίσον ατο σ' ωτί σ, πάμε και κλώσκουμες, εσύ το ξερό σ 'κι θα ανοίς· κάπ νοΐζνε μας και πουσμανεύνε και κλώθνε μας εύκαιρους».

Εξέβαν σ' Ισχανάντων, εμπροιστοί  εσέβαν σ'  οσπίτ να παίρνε νύφεν, εγλιάεψαν πολλά και ο Παναέτες  εστεναχωρεύτεν και είπεν: Καλημέρα κατηβαίνω;

 -Εσύ φα σκατόν και στα ατουπάν, είπεν άτον ο Στοφόρον.

Ας σου επαίραν τη νύφεν και επεμάκρυναν, αλλ'  ετραβώδναν:

Για τον παλαλόν έμουν πα κορίτς επαίραμε, και άλλ ετραβώδναν: Ο παλαλός έμουν πα αέτς 'κ  επέμνεν.

Ισχανάντ οντάν έξαν τα τραβωδίας τοι Πινιατάντων  ερχίνεσαν κι εκείν πα να τραβωδούν: Τεμέτερον πα καλλίον κ' εν. Τεμέτερον πα αφκά 'κι απομέν.

Στάθης Αθανασιάδης (Γεροστάθης)
Γενάρης του 1970
Καστανιά Βέροιας