ΤΗ ΠΑΠΑΣ ΠΑ ΛΑΊΣΚΟΥΝΤΑΝ ΑΜΑ ΚΙ ΡΟΥΖ ΝΕ

Μάστορα, είπεν τον γαρά Βασίλ', τον χαλεβορτσήν, ο εργάτες που εδούλευεν μετ' εκείνον:

Αβούτο το τουβάρ' λαΐσκεται και πολλά φοβούμαι θα ρούζ' και θα ευτάει έναν ζεμίαν.

- Ξάι μη φοβάσαι, είπεν ατον ο Γαρά Βασίλτς,  'κι ρούζ'.

- Πώς να μη φοβούμαι, τέρεν πώς λαϊσκεται.

- Τη παπά σ' πα τα είτενα λαΐσκουνταν, άμα 'κι ρούζ'νε. 

Αέτσ' είπεν ο Γαρά Βασίλτς κ' επάτεσαν   οι δύος πα το γέλος.

ΛΕΞΙΛΟΓΙΟ

γαρά : μαύρος

χαλεβορτσής : τεχνίτης που δεν χτίζει στερεό οικοδόμημα

λαϊσκεται : κουνιέται (ρ. λαϊζω,λαγίζω, μέσ. λαΐσκομαι, λαΐσκουμαι)

 θα ρούζ' : θα πέσει (ρ. ροϊζω, ρούζω)

ξάι : καθόλου

τέρεν : κοίτα (ρ. τερώ, τηρώ)

τη παπά σ' πα : και του πατέρα σου

τα είτενα=- τα απαυτά

άμα : αλλά

αέτσ' : έτσι

επάτεσαν το γέλος: γέλασαν δυνατά

οι δύος πα = και οι δύο

ΔΗΜΗΤΡΙΟΣ  Σ. ΝΙΚΟΠΟΛΙΤΙΔΗΣ

Φιλόλογος-Συγγραφέας