ΚΛΩΣΟΝ ΑΔΑΚΕΣ ΤΟ ΚΕΡΙΝ

 0 ποπά Γιωρτς εποίνεν ποπαδικήν σ' έναν χωρίον τη πατρίδας. Πολλά γράμματα κ' έξερεν ο καημένον.

Αρ' έναν Κερεκήν ημέραν σίτα εδέβαζεν το ευαγγέλιον, Αβραάμ εγέννησεν Ισαάκ, Ισαάκ εγέννησεν Ιακώβ....το κερίν ντο εκράτ'νεν ο γιος ατ' ο Στυλίκον εγιάντζεν σ' άλλ' το μέρος κι άλλο 'κ' έλεπεν να δεβάζ'.

Ντο να εποίνεν; Εκλώστεν σον Στυλίκον μερέαν και είπεν ατον.

Νέπε, για κλώσον το κερίν αδαμερέαν, ας τερούμ' κι αβούτος τη σκύλ' ο γιον τίναν εγέννεσεν.

ΛΕΞΙΛΟΓΙΟ

ποπαδική = το λειτούργημα του παπά

αρ': λοιπόν

σίτα: καθώς, ενώ

εγιάντζεν : έγειρε (ρ. γιανίζω)

ντο να εποίνεν : τι να έκαμνε

εκλώστεν : στράφηκε, γύρισε (ρ. κλώθω, μέσ. Κλώσκο(υ)μαι)

αδάμερεαν: εδώ μεριά

ας τερούμε = να δούμε

αβούτος = αυτός

τίναν =ποιόν