ΚΑΙ ΘΑ ΙΝΕΤΑΙ ΑΣ ΕΜΟΝ ΤΗΝ ΚΑΜΠΟΥΡΑ;

Ο Τράντον τη Γούρουνος πάντα, όσα επέραζεν εμπροστά ας έναν γυρευόν, εδίνεν ατον δύο δραχμάς.

Κάποτε τα πράματα έλλαξαν. Επέρασαν δύο χρόνα κι ο Τράντον άλ­λο 'κ’ εφάνθεν. 0 γυρευόν πολλά εστεναχωρεύτεν. Ας σα δύο χρόνα κ' ύστερα είδεν ατον να έρται και τα κατσία τ' εγέλασαν.

 Όντες έρθεν σουμά τ' κ' εδέκεν ατον έναν πενηντάλεφτον, ο γυρευόν εγρίεψεν και είπεν ατον:

-   Ντο ευτάς; 'Κι κανείται ντο δύο χρόνα 'κ' εφάνθες αδακέσ’, έναν πε­νηντάλεφτον μαναχόν δίς με;

-  Ντο να ευτάμε, τα έξοδα επερίσσεψαν. 0 γιο μ' εσέβεν σο Πανεπιστήμιον να ίνεται γιατρός, και δύσκολα εβγάλ' ατα πέρα.

-  Και, καλά ο γιος σ' θα ίνεται γιατρός και θα ίνεται ας εμόν την καμπούραν;

ΛΕΞΙΛΟΓΙΟ

Όσα επέραζεν = Όσες φορές περνούσε

Γυρευός= ζητιάνος

 τα κατσία τ' = τα μούτρα του

 σουμά = κοντά

 ντο ευτάς = τι κάνεις

 'κι κανείται = δε φθάνει

 Αδακέσ’ = προς τα εδώ
 εσέβεν = μπήκε

Δημήτριος Νικοπολιτίδης

Φιλόλογος-Συγγραφέας