Να ήξερα το Πάτερ ημών εγίμ ποπάς

Σ' Αρμεναντίων το σπάξιμον εκατήβεν σην Τραπεζούνταν να πάει ση Σέκιτλη τη Γιαταγαντζή η Ναζίκα. Οι Τούρκ εφοούσαν γιάμ φεύνε Αρμενάντ ση Ρουσίαν και ση σκάλαν απάν, οντάν θα εδίνα κάτηναν το πασσιπόρτ άτ' έλεαν άτον: Πάτερ ημών σοϊλέ (πες το Πάτερ ημών). Αν ήξερεν και έλλεν άτο , εφήναν άτον να καβαλκεύ σο παπόρ, αν 'κ έξερεν,  έκλωθαν άτον οπίσ.

Άγιος Κωνσταντίνος Ζουρνατσάντων

Η Ναζίκα έξερεν το Πάτερ ημών, ακομάν και το "Η ζωή εν τάφω", άμα για να περιπαίζ τον Τούρκον, είπεν άτον:

Πάτερ ημών πιλσέ- ίτουμ,κεσσίσσ ολούρτουμ (Να ήξερα το Πάτερ ημών εγίμ ποπάς.

Ο Τούρκον εχαμογέλασεν, εντώκεν άτεν απάν σ' ωμίν, εδέκεν άτεν το πασσιπόρτ και είπεν άτεν:

Άφερουν, καλά εποίκες μας..