Τό.... "66έξ'..."

Ο Γιορδάμ'ς ο Ανεφορίτ'ες

κ' ο Γιάννες ο Αγουρσίτ'ες

ετσσάτεψα'ν σό καφενείο

σή Σαντάς σ' ένα χωρίον.

Ζήτεσ'ανε τά χαρτία

τό πινάκ' τήν κιμωλία

κ' εκάθουσαν κ' παίζ'νε

τό...66έξ τό λεγνε.

Ερθαν'ε κ' τά ρακία

κρούνε "τόκα'ν" τά ποτήρι(ε)α

κουρτούν'ε κ' μασχαρεΰνε

ο είς τον άλλον για να κλέφτ'νε.

Παιδία, ατό τό παιχνίδ'

δυο θέλ' κ' αχουλ'ούς

άμαν αν κ' ξερ'τς νά κλέφτ'ς

κ' πορείς κ' νά εβγαίν'τα.

Χά! τ' εμόν το σαραντάρ'

με το εικοσάρ' πού'κες θα πάς

όσο θελ'τς ντό'ς το τραπέζ'

κ' πορείς, μέ, νά νικάς.

Νέπε, εμά'τσα το καλά

άς σό πάππο μ' τον Γιορδάμ'

έμπρα πάντα θά γομών'ω

τρία, δύο κ' έναν παίρω.

Μέ τ' ολήμαυρα κατσσΐας 'ς

ποί'σον και τή λογαρία

κ' ασού εχάσες σά χαρτία

πλέρω'σον κ' τά ρακία...!!!

Ιορδάνης  Παπαδόπουλος