Ντο κιναούμ Σαντέτες είσαι;

Έναν ημέραν τ' Απτάλ ο Χρίστον ας σοι Πινιατάντων έστεκεν εμπροστά σ' εργαστέρ τη Μήτονος τη Χαλαϊτσιόγλη και ετέρνεν πως εβγάλναν τα χαψία. 

Εδέβεν επεκέσ' είνας Ανεφορίτες και ερώτησεν το Χρίστον:

-Πατριώτη , απόθεν είσαι;

-Ας ση Σαντά , είπεν  ο Χρίστον.

Τ' όνεμα 'σ ντο έν; ξαν ερώτεσεν.

-Χρίστον, είπεν ο Σαντέτες.

Ο Ανεφορίτες ετέρεσεν άτον ας σο κιφάλ ως τα ποδάρια και είπεν:

Νέπαι πατριώτη, τ' όνεμα 'σ  Στοφόρε 'κ εν, τσιαντάϊ σ' ωμί 'σ κ' έεις,τσιαρούχια σα ποδάρια 'κι φορείς και αρσίν σα μέσα 'σ κ' έεις, ντο κιναούμ Σαντέτες είσαι;

Είσοδος  Πιστοφάντων

ΛΕΞΙΛΟΓΙΟ

κιναούμ(τουρκική λέξη)= κρίμα

αρσσίν=μέτρο ίσο με 70 πόντους