1. Σαντά 'μ τα κρύα τα νερά 'σ τα ψηλά τα ραχχιόπα 'σ
ξενιτεύνε κι αφήνν' άτα τ’ έμορφα τα παιδόπα 'σ.
2. Σαντά μ τα κρύα τα νερά σ, τ’ έμορφα τα παρχάρια 'σ
ντο πίνε και ντο λάσκουνταν, ρίζα 'μ, τα παλικάρια 'σ.
3. Σαντά 'μ η δείσα 'σ εν πυκνόν, τ' αλάτια 'σ σκουτουλίζνε
και τα μανουσσιακόπα σου ντο έμορφα μυρίζνε.
4. Σαντά 'μ τα μασσιαλάδας ισ, τ' έμορφα τα κεπία 'σ,
ντο πίνε και παραχορτάζν' με τα νερά τα κρύα.
5. Σαντά 'μ να λελεύω 'γώ τα ραχχιόπα ντο κείσαι.
και το Γιάμπολιν το ποτάμ σην μέσεν ντο χωρίει σε.
6. Που είν' τ' οσπίτια 'σ τ' έμορφα δύο, τρία ταπαχάδας
που εν το βίο 'σ το πολλά, που είναι τ' αλμεγάδια 'σ.
7. Πούν’ τ' εκκλησίας τ' έμορφα, τα τρανά τα σχολεία 'σ,
και νιά διασκάλ, νιά μαθηταί και νιά πουθέν λαλίας;
8. Πούν’ τα κορίτσσια 'σ τα κόκκινα και με τα κερεντία,
ζουούδια ντο εθέριζαν ολόερα σ' ορμία.
9. Σαντά 'μ τα παρακκλήσια σου και τα καμπαναριά 'σ
ντ' εχάλασαν Αγαρενοί κ' εκόπαν τα λαλίας
10. Σαντά 'μ πως εκαταδέχτες να ρούεις ση Τουρκ’ τα χχέρια
Ατείν' είναι λεροί, τσερτσοί, θα πιάντζε η χουλιάρα.
11. Σαντά 'μ να λελεύω σε 'γώ και τ’ εφτά τα χωρία 'σ,
μίαν αν ανασπάλλω σε, να καίει μ' η Παναΐα.
12. Όσα χρόνια και αν διαβαίνν' πρέπ' για να πολεμούμε,
τοι Τουρκάντζ να θερίζομε, Σαντά 'μ για ν' ανταμούμες.
13. Πολλά μη τυρριανίεσαι, και πολλά γαϊριάτ ποίσον
σην Σουμελάν την Παναγιάν, Σαντά 'μ τον σταυρό 'σ ποίσον.
14. Μη κλαις, πολλά μη θλίβεσαι, παλικαροσύνιαν δείξον
την Παναΐαν παρακάλ, και τον διάβολον φτύσον.
15. Ο Κτενίδης τ' έμέτερον να εν πολλά καλά,
ντ' έχτσεν κ' εθεμελίωσεν, Σαντά μ την Παναΐαν.
16. Με τ’ Ατέναν θα έρχουμες κ' εμείς θα ανταμούμες,
κι οντάμαν θα χορεύομε κ' εμείς θά τραβωδούμε.
17. Η Κρώμν' έμουν εγέννεσεν Κανάρην αλλομίαν
ας σ' έναν σ' άλλο την άκραν εδέκε μας φωτίαν.
18. Ατό τρανόν δουλείαν εν, τρανόν πολλά τρανόν,
σό ποδάρ απάν ντ' έσκωσεν τον Πανελληνισμόν
Δ. Λαμπριανίδης
Βραζιλία
ξενιτεύνε κι αφήνν' άτα τ’ έμορφα τα παιδόπα 'σ.
2. Σαντά μ τα κρύα τα νερά σ, τ’ έμορφα τα παρχάρια 'σ
ντο πίνε και ντο λάσκουνταν, ρίζα 'μ, τα παλικάρια 'σ.
3. Σαντά 'μ η δείσα 'σ εν πυκνόν, τ' αλάτια 'σ σκουτουλίζνε
και τα μανουσσιακόπα σου ντο έμορφα μυρίζνε.
4. Σαντά 'μ τα μασσιαλάδας ισ, τ' έμορφα τα κεπία 'σ,
ντο πίνε και παραχορτάζν' με τα νερά τα κρύα.
5. Σαντά 'μ να λελεύω 'γώ τα ραχχιόπα ντο κείσαι.
και το Γιάμπολιν το ποτάμ σην μέσεν ντο χωρίει σε.
6. Που είν' τ' οσπίτια 'σ τ' έμορφα δύο, τρία ταπαχάδας
που εν το βίο 'σ το πολλά, που είναι τ' αλμεγάδια 'σ.
7. Πούν’ τ' εκκλησίας τ' έμορφα, τα τρανά τα σχολεία 'σ,
και νιά διασκάλ, νιά μαθηταί και νιά πουθέν λαλίας;
8. Πούν’ τα κορίτσσια 'σ τα κόκκινα και με τα κερεντία,
ζουούδια ντο εθέριζαν ολόερα σ' ορμία.
9. Σαντά 'μ τα παρακκλήσια σου και τα καμπαναριά 'σ
ντ' εχάλασαν Αγαρενοί κ' εκόπαν τα λαλίας
10. Σαντά 'μ πως εκαταδέχτες να ρούεις ση Τουρκ’ τα χχέρια
Ατείν' είναι λεροί, τσερτσοί, θα πιάντζε η χουλιάρα.
11. Σαντά 'μ να λελεύω σε 'γώ και τ’ εφτά τα χωρία 'σ,
μίαν αν ανασπάλλω σε, να καίει μ' η Παναΐα.
12. Όσα χρόνια και αν διαβαίνν' πρέπ' για να πολεμούμε,
τοι Τουρκάντζ να θερίζομε, Σαντά 'μ για ν' ανταμούμες.
13. Πολλά μη τυρριανίεσαι, και πολλά γαϊριάτ ποίσον
σην Σουμελάν την Παναγιάν, Σαντά 'μ τον σταυρό 'σ ποίσον.
14. Μη κλαις, πολλά μη θλίβεσαι, παλικαροσύνιαν δείξον
την Παναΐαν παρακάλ, και τον διάβολον φτύσον.
15. Ο Κτενίδης τ' έμέτερον να εν πολλά καλά,
ντ' έχτσεν κ' εθεμελίωσεν, Σαντά μ την Παναΐαν.
16. Με τ’ Ατέναν θα έρχουμες κ' εμείς θα ανταμούμες,
κι οντάμαν θα χορεύομε κ' εμείς θά τραβωδούμε.
17. Η Κρώμν' έμουν εγέννεσεν Κανάρην αλλομίαν
ας σ' έναν σ' άλλο την άκραν εδέκε μας φωτίαν.
18. Ατό τρανόν δουλείαν εν, τρανόν πολλά τρανόν,
σό ποδάρ απάν ντ' έσκωσεν τον Πανελληνισμόν
Δ. Λαμπριανίδης
Βραζιλία
Δεν υπάρχουν σχόλια:
Δημοσίευση σχολίου