Ο Χαρπαντάς ο Κρεμέτες έναν ημέραν εκαβάλκεψεν το μουλάρν άτ και με τ' άλλτς τοι γατιρτσσήδας εχπάστεν για τη Κρωμ. Όνταν εντώκεν ση Λαραχανής τον ανέφορον, έμαθαν ντο Τούρκ' εσσκιάδες ωριάζνε να σοεύν' ατς.
Ο Χαρπαντάς για να δι γαϊριάτ τοι γατιρτσσήδας είπεν άτς: Άρ ας ερχουν τη γαϊδιάρ τα παιδία σοεύνε μας και μαθάννε ντο λοής εν τη Χαρπαντά η μούστα.
Τ’ ημψόν τον ανέφορον εξέβαν 'κ' εξέβαν και εξέβεν εμπροστά 'τουν είνας εσσκιάς. Τη Χαρπαντά το μουλάρ είδεν πίρλιαν-πιρ τον εσσκιάν, εχπαράεν, εφτύρθεν και εκρέμσεν αφκά τον Χαρπαντάν.
Ο Χαρπαντάς εχολιάστεν, ελάγκεψεν κ’ εσκώθεν, ετάλεψεν απάν σον εσσκιάν, εντώκεν άτον κα, έρπαξεν το τυφιάγκν άτ ετσάκωσεν σο κιφάλ τ’ εσσκιά, εδέκεν άτον κ’ είνα - δύο λάχτας κ’ έγόμωσεν τ' απέσ άτ αίμαν και είπεν άτον:
-Άρ ατώρα δέβα πε τοί συντρόφς ισ ντο παθάν εκείνος που φτυρ τη Χαρπαντά το μουλάρ.
Άπ’ ατότε επέμνεν το τιαμφίλ: Αλλο Χαρπαντά μουλάρια 'κι φτυρ.
Μιλτιαδης Νυμφοπουλος
Ο Χαρπαντάς για να δι γαϊριάτ τοι γατιρτσσήδας είπεν άτς: Άρ ας ερχουν τη γαϊδιάρ τα παιδία σοεύνε μας και μαθάννε ντο λοής εν τη Χαρπαντά η μούστα.
Τ’ ημψόν τον ανέφορον εξέβαν 'κ' εξέβαν και εξέβεν εμπροστά 'τουν είνας εσσκιάς. Τη Χαρπαντά το μουλάρ είδεν πίρλιαν-πιρ τον εσσκιάν, εχπαράεν, εφτύρθεν και εκρέμσεν αφκά τον Χαρπαντάν.
Ο Χαρπαντάς εχολιάστεν, ελάγκεψεν κ’ εσκώθεν, ετάλεψεν απάν σον εσσκιάν, εντώκεν άτον κα, έρπαξεν το τυφιάγκν άτ ετσάκωσεν σο κιφάλ τ’ εσσκιά, εδέκεν άτον κ’ είνα - δύο λάχτας κ’ έγόμωσεν τ' απέσ άτ αίμαν και είπεν άτον:
-Άρ ατώρα δέβα πε τοί συντρόφς ισ ντο παθάν εκείνος που φτυρ τη Χαρπαντά το μουλάρ.
 |
| Δρόμος για τη Σαντά |
Άπ’ ατότε επέμνεν το τιαμφίλ: Αλλο Χαρπαντά μουλάρια 'κι φτυρ.
Μιλτιαδης Νυμφοπουλος
Δεν υπάρχουν σχόλια:
Δημοσίευση σχολίου