Σ' σή σκυλλ’ τoν oδόν...

Ση Κέπλην τον Παρχάρ’ έναν νύχταν εφτύρθαν τα πρόατα και εξέβαν ασό «πέρ’».
Ο τζιοπάνον, ο Λεφτέρ’τς τη Τσιαχούρ εξέβεν να παίρ’ τ’ έμπρα τουν. Έτρεξεν με το ντουφέκ'ν άτ κι’ ο κουμπάρος ατ’ ο Χατζηγερίκας.
 Απέσ’ ’ς σήν σκοτίαν είδεν τον Λεφτέρ’ να τρέχ’ εθάρρεσεν λύκος εν’ έσυρεν και εσκότωσεν άτον.
Τ' άλλ’ την ημέραν ’ς σο λείμψανον η νύφε τη Λεφτέρ’ εμοιρολόγανεν άτον:
-«Αφέντα, αφέντα πως επήγες ’ς σή σκύλλ’ τον οδόν...»