ΕΓΩ ΔΕΒΑΖΩ ΓΙΟΞΑ ΥΛΑΖΩ;

0 Τσερέπ'ς ο ποπάς (Παπαθανάης), έτον πολλά μασχαράνος, άμα και πολλά αυτίχολος.
Αϊλί και βάι σ' εκείνον που εκαλάτσευεν την ώραν τη λειτουργίας. Ετσάιζεν κ' εχπάραζεν ατον.
Έναν ημέραν, πριν κάμποσα χρόνα, σίτα εδέβαζεν το ευαγγέλιον σην εγκλεσίαν των 15 Μαρτύρων τη Κιλκιζί', είδεν την Θυμίαν τη Χασίμ και την Ευδοξίαν τη Λάπονος να καλατσεύ'νε και το στόμαν ατουν απάν' να μη έρται.
Ο Παπαθανάης είδεν ατ'ς κ' εγροτέρεσεν ατ'ς. Εκείν' ξαν τ' εκεινέτερον. Εσείς είστουν που καλατσεύετε;
 Εξέγκεν έναν άγρεν λαλίαν και είπεν: - Εγώ δεβάζω γιόξα υλάζω.


ΛΕΞΙΛΟΓΙΟ
τσερέπ'ς = ο πολύ αδύνατος
 μασχαράνος = αστείος
αυτίχολος = οξύθυμος 
αϊλ ί = αλίμονο
 εκαλάτσευεν = μιλούσε
 ετσάιζεν κ' εχπάραζεν ατον = φώναζε και τον τρομοκρατούσε
 σ ί τ α = ενώ
το στόμαν ατουν απάν' να μη έρται = να μη κλείνουν το στόμα τους
 εγροτέρεσεν ατ'ς = τις αγριοκοίταξε 
ξαν τ' εκεινέτερον = πάλι το δικό τους
 εξέγκεν = έβγαλε
 γιόξα υλάζω = ή γαβγίζω

Δημητριος Νικοπολιτιδης
Φιλολογος-Συγγραφεας