Στην επιστράτευση

Σην επιστράτευσην που εέντον το 1974, εκάλεσαν και τον Κοσμάν τον Πρεσκοιλίδην ας σην Βασιλίτσαν και τον γυναικάδελφον ατ , τον Στοφόρον.
Η Ποινή, η γαρή τη Κοσμά, όντες έμαθεν πως θα ίνεται πόλεμος με τοι Τουρκάντας, εγόμωσεν το χωρίον λαλίας. 
Κλαίει, βαρκίζ' και στασιμονήν 'κ' έχ'.
- Νέκουτζη, μη κλαίς και τογραεύ'ς την καρδία μ'. Δεν 'κ'  έν' αγλήγορα θα πάω και θα κλώσκουμαι, είπεν ατεν ο Κοσμάς.
- Εγώ τ' εσόν την γαϊλάν 'κ' έχω, είπεν ατον η Ποινή. Εγώ για τ' εσέν 'κι κλαί(γ)ω.
- Κιαμ' για τίναν κλαις;
- Κλαίω για τον αδελφό μ', τον Στοφόρον.
- Τσούνα, και τ' ένουσ'νε, εγώ πα εθάρεσα για τ' εμέν κλαις.



ΛΕΞIΛ0ΓΙΟ

 Βασιλίτσα= χωριό ταυ ν. Κιλκίς., 

δεν ΄κ΄ έν= = δεν είναι τίποτε

γ α ρή = γυναίκα, σύζυγος

θα κλώσκουμαι « θα γυρίσω

βαρκίζ'=  θρηνεί γοερά

τ' εσόν την γαϊλίν 'κ' έχω = δεν έχω τη δική σου την ανάγκη

στασιμονήν 'κ' έχ'= δε σταματάει 

νέκουτζη = νε μωρή

κιάμ=μάλιστα

τoγραεύ'ς - κομματιάζεις

τσούνα = σκύλα

Δημήτριος Νικοπολιτίδης
Φιλόλογος-Συγγραφέας