Τα δανεικά

 Ο Γιάγκον τη Γαραπετσά ας σο Κιράτσκιοιν επέρεν σίδερα να χτίζ' αποθήκην. Το χρέος, είπεν σον Πάντζον τη Παστάκ',θα δίγω σ' ατο σ' αλώνα.
Τ' αλώνα έρθαν κ' εδέβανε, έρθαν και τ' άλλα, άμα ο Γιάγκον το χρέος ατ ' 'κ' εδώκεν· 0 Πάντζον εμέντζεν ατον πολλά φοράς για το χρέος, άμα ο Γιάγκον ξάι επεκέσ' 'κ' έρθεν·
Τελευταία επέρεν την απόφασην να πάει παίρ' οπίσ' τα σίδερα.
 - Πώς θα παίρτς ατα, είπεν ατον ο Γιάγκον, ατά ατώρα εκρίβεναν.

Κιλκίς

ΛΕΞΙΛΟΓΙΟ


Κιράτσκιοιν = Χορήγι (χωριό του Κιλκίς)
 εδέβανε = περάσανε (ρ· δαβαίνω)
 ά μ α =αλλά
εμέντζεν ατον = τον ειδοποίησε (ρ· μηνύω, μενύω, μενώ)
ξάι επεκέσ' κ' έρθεν = δεν έδωσε σημασία (ξάι = καθόλου)

Δημήτριος Νικοπολιτίδης
Φιλόλογος-Συγγραφέας