ATA NT' ΕΔΕΚΕΣ ΜΕ ΟΛΙΓΑ ΕΙΝ ,ΔΟΣ ΜΕ ΚΙ ΑΛΛΑ

Η Ερασμία τη Κασάνονος εδώκεν τον ανεψόν ατ'ς, τον Στυλίκον εκατόν δραχμάς και είπεν ατον δέβα σο τικιάν κι αγόρασον ήνταν συ'ρ' η ψη σ'.
Καλά είπεν ο Στυλίκον κ' εχπάστεν να πάει. Εστά είπεν ατον η μάνα τ' η Ερμοφίλη.
- Στυλίκο, ντο λέμε όντες οι άλλ ' δίνε μας κάτ';
- Ντο λέμε, μάνα, 'κ' εξέρω.
- Εγώ ντο λέγω τον κύρη σ' όντες δί' με παράδας;
- Ατά ντ' εδώκες με ολίγα είν', δος με κι άλλα.


ΛΕΞΙΛΟΓΙΟ

ανεψός = εγγονός
δέβα σο τικιάν = πάνε στο μαγαζί
ήνταν σύρ' η ψη σ' = ότι τραβάει η ψυχή σου
εχπάστεν = ξεκίνησε 
ν τ ο = τι
 α τ ά = αυτά
ντ' εδώκες με= αυτά που μου έδωσες

Δημήτριος Νικοπολιτίδης

Εκπαιδευτικός- Συγγραφέας