ΝΕΚΟΥΤΖΗ, ΓΙΑΜ' ΕΠΑΛΑΛΩΘΕΣ;

Νέκουτζη Μελπομένη, ντο ώραν εν'; Ερώτεσεν ο Στοφόρον τη θαγατέραν ατ'.

-Πάπα, η,ώρα εν' δεκατρία, είπεν η Μελπομένη.

-Νέκουτζη, γιαμ' επαλαλώθες; Ντο ειν' ατά τα εύκαιρα ντο λες;

 Αΐκα γράμματα εμάτσαν εσε σο σχολείον;

-Καλά, πάπα, 'κ' έκ'σες το ραδιόφωνον; 

Ατώρα είπεν η ώρα εν' δεκατρία.

Ο Στοφόρον άλλο λαλίαν 'κ' εξέγκεν.

ΛΕΞΙΛΟΓΙΟ

Nέκουτζη = καλέ

Γιαμ'επαλαλώθες = μήπως τρελάθηκες

Ντο είν' ατά ντο λες = τι είναι αυτά που λές

Τα εύκαιρα = τα ανόητα , τα κουφά

Αΐκα γράμματα εμάτσαν εσε = τέτοια γράμματα σου μάθανε

'Κ' έκ' σες = δέν άκουσες

άλλον λαλίαν 'κ'εξέγκεν = Δε μίλησε άλλο .

Δημητριος Νικοπολιτιδης

Φιλόλογος-Συγγραφέας