ΧΑΪΒΑΝ ΕΓΩ ΠΟΤΕ ΕΙΠΑ ΣΕ ΖΩΟΝ;

Σο καφενείον τη Κουταλίνας ο Γιάγκον τη Τούσονος και ο Πάτσον τη Χουρλάχ επϊάσταν σα χαρτία και το κιφάλ'ν   ατουν  άν' 'κι σκών'νε.

 Αναχάπαρα ο Γιάγκον εξέγκεν έναν άγρεν λαλίαν και είπεν:

- Πάντα τσιβούζα ευτάς.

- Τσιβούζα εσύ ευτάς και όχι εγώ.

Είπαν πολλά και άπρεπα λόγια και θα έρχουσαν σα χέρα, αν   κ' έμπαινεν ανάμεσα τουν ο Τότης τη Χαχάμ'.

0 Πάτσον εγκάλεσεν τον Γιάγκον σο δικαστήριον γιατί είπεν ατον ζώον.

- Κατηγορούμενε, είπεν ο δικαστής, αποκαλέσατε τον κ. Πάτσον ζώον;

0 Γιάγκον εκλώστεν ετέρεσεν τον Πάτσον άγρα, και μετ' έναν χολήν είπεν:

 - Χάιβαν', εγώ πότε είπα σε ζώον;

ΛΕΞΙΛΟΓΙΟ

αν': άνω, επάνω

αναχάπαρα : ξαφνικά

εξέγκεν : έβγαλε (ρ. εβγάλλω)

τσιβούζα = ζαβολιές

εγκάλεσεν = κατήγγειλε (ρ. αγκαλώ)

εκλώστεν ετέρεσεν : γύρισε και κοίταξε (ρ· κλώθω, μέσ. κλώσκο(υ)μαι

ΔΗΜΗΤΡΙΟΣ   ΝΙΚΟΠΟΛΙΤΙΔΗΣ΄

Φιλόλογος-Συγγραφέας