Η ώρα ήλλαξεν.

To 1939 τη χρονίας, ο Γιαγκούλης ο Βιόπουλον, με το να είχεν διαβολοκούτ’ (ραδιόφωνο) σ’ οσπίτ’ν ατ’, κάθαν βράδον εμαζεύκουσαν οι γειτονάδες ατ’ κ' εποίναν παρακάθ'.

Εκείνος π' εκαλάτσευεν σο δαβολοκούτ' (εκφωνητής) έλεεν ατα σην καθαρεύουσαν και πολλά 'κ’ εγροίκαναν ατα.

Αρ ' έναν βράδον είπεν:

- Κυρίες και κύριοι από σήμερον την πρωίαν η ώρα ήλλαξεν.

- Ντο είπεν ατός  τη σκύλ’ ο γιον ελάγγεψεν και είπεν  η εσχωρεμέντσα η Θεανώ κ' έσυρεν πλαν μερέαν τ’ ορτάρ’ ντ’ έπλεκεν. Η ώρα πα μαρ’  υλάζ’; Άλλο ντο θ’ ακούμε ας ατόν τον παλαλόν;

- Θεία Θεανώ, είπεν ατότε ο Γιαγκούλης, ατό το ήλλαξεν εν’ σην καθαρεύουσαν και θέλ’ να λέει έλλαξεν

- Αέτσ’ αν εν’ ατότε καλά είπεν η Θεανώ και να εσ'χωρά με.

ΛΕΞΙΛΟΓΙΟ

εποίναν παρακάθ’ = έκαμναν νυχτέρι

π’ εκαλίτσευεν = που μιλούσε

κ’ εγροίκαναν ατα = δεν τα κα­ταλάβαιναν

πλαν μερέαν=παραπέρα

ορτάρ' = κάλτσα

μάρ’ = μήπως

αέτσ’ αν έν= αν είναι έτσι

άρ=λοιπόν

Δημήτριος Νικοπολιτίδης 

Φιλόλογος-Συγγραφέας