ΕΓΩ ΔΕΒΑΖΩ ΓΙΟΞΑ ΥΛΑΖΩ;

0 Τσερέπ'ς ο ποπάς (Παπαθανάης), έτον πολλά μασχαράνος, άμα και πολλά αυτίχολος.
Αϊλί και βάϊ σ’ εκείνον που εκαλάτσευεν την ώραν τη λειτουργίας. Ετσάϊζεν κ’ εχπάραζεν ατον.
Έναν ημέραν, πριν κάμποσα χρόνια σίτα εδέβαζεν το ευαγγέλιον σην εγκλεσίαν των 15 Μαρτύρων τη Κιλκιζί', είδεν την Θυμίαν τη Χασίμ και την Ευδοξίαν τη Λάμπονος να καλατσεύ'νε και το στόμαν ατουν απάν’ να μη έρται. 0 Παπαθανάης είδεν ατ’ς κ’ εγροτέρεσεν ατ’ς.
Εκείν’ ξαν τ’ εκεινέτερον.
Εσείς είστουν που καλατσεύετε;
Εξέγκεν έναν άγρεν λαλίαν και είπεν:
- Εγώ δεβάζω γιόξα υλάζω!!

Αγιος Χριστοφορος -Πιστοφαντων

ΛΕΞΙΛΟΓΙΟ
Τσερέπ’ς = ο πολύ αδύνατος
μασχαράνος = αστείος
αυτίχολος = οξύθυμος
αϊλ ί = αλίμονο
εκαλάτσευεν = μιλούσε
ετσάιζεν κ’ εχπάραζεν ατον = φώναζε και τον τρομοκρατούσε
σ ί τ α = ενώ
το στόμαν ατουν απάν’ να μη έρται = να μη κλείνουν το
στόμα τους
εγροτέρεσεν ατ'ς = τις αγριοκοίταξε
ξαν τ’ εκεινέτερον = πάλι το δικό τους
εξέγκεν = έβγαλε
γιόξα υλάζω = η γαβγίζω


Δημήτριος Σ. Νικοπολιτίδης
Φιλόλογος, συγγραφέας