ΘΑ ΠΑΙΡΩ ΣΕ ΚΑΙ ΠΑΩ ΑΛΛΑΓΗΝ.... ΚΛΥΣΜΑΤΟΣ

Πέμπτη 16 Δεκεμβρίου 2010

Η Παλάσα τη Τούσονος, σωστός αντράγουρος, πάντα εκρούνεν κ' επαίρ νεν με τον άντραν ατ'ς, τον Κώστην τον Σίσκον.

Και όσον έλεπεν τη γειτονάβαν ατ'ς την Λεμόναν να φορεί, ν' αναλλάζ' και να τρέχ' σα πανοΰρα ατόσον κι άλλο πολλά εχουσκανεύκουσον ατεν.

Ντο άγουρος είσαι εσύ, έλεεν ατον, κ' έναν γαρήν 'κ' επορείς να τερείς;

Ντο να ευτάγω, γάρη, έλεεν ο καημένον. Η δουλεία μ' πάντα ανάπο­δα πάει. Ποίσον ολίγον υπομονήν. Αν πουλούμ' τα καπνά σε καλήν τιμήν θα παίρω σε ήνταν θέλτς και θα λασκίζω σε όλα τα πανοΰρα και το καλοκαίρ' πα, σα τρανά τα ζέστας, θα παίρω σε και πάγω αλλαγήν.... κλύσματος.



ΛΕΞΙΛΟΓΙΟ

αντράγουρος = αντρογυναίκα

εκρούνεν κ' επαίρ'νεν = αλληλοδερνότανε

έλεπεν = έβλεπε (ρ. ελέπω)

ν' αναλλάζ ' = να ντύνεται τα γιορτινά της ρούχα

ατόσον κι άλλο πολλά = τόσο πιο πολύ

εχουσχανεύκουσον = ζήλευε (ρ.χουσκανεύκουμαι)

ντο άγουρος = τι άντρας

κ' έναν γαρήν 'κ' επορείς να τερείς= και μια γυναίκα δεν μπορείς

να την φροντίσεις!

ντο να ευτάγω = τι να κάνω

γ ά ρ η = γυναίκα

ήνταν = ό,τι

και θα λασκίζω σε = και θα σε γυρίσω.



Δημήτριος Σ. Νικοπολιτίδης
Φιλόλογος-Συγγραφέας
Share

Δεν υπάρχουν σχόλια:

Δημοσίευση σχολίου

 
Copyright © 2015 Santeos
| Design By Herdiansyah Hamzah